Рассельгаснагляд выявіў небяспечную мясную сыравіну з Беларусі

Упраўленне Рассельгаснагляду па Бранскай і Смаленскай абласцях спыніла пастаўкі з Беларусі замарожанага ялавічнага водрубу. Партыю вагой больш за 8 тон пастаўляла прадпрыемства "Білтонг-прадукт" з Мінскай вобласці. У мясе расійскія санітары выявілі парушэнне мікрабіялагічных паказчыкаў, інфармуе прэс-служба ведамства.

Акрамя таго, на мясе знайшлі сляды зрэзаных ветэрынарных клеймаў. Назва прадукцыі ў ветэрынарных сертыфікатах і маркіровачных этыкетках не адпавядала фактычнаму грузу — буйна-кавалкавая ялавічына, замарожаная на костцы.

Да таго ж, прадпрыемства "Білтонг-прадукт" мела права пастаўкі толькі мясной прадукцыі і мясных паўфабрыкатаў, а не мясной сыравіны. У той жа дзень груз вярнулі адпраўшчыку.

Фота — kiev.all.biz