Рассельгаснагляд не пусціў у Расію партыю крэветак з Беларусі
Фірмы-вытворцы не было ў адпаведным рэестры Мытнага саюза.
У Смаленскай вобласці спецыялісты Рассельгаснагляду спынілі ўвоз у Расію партыі крэветак з Беларусі. Як перадае interfax.by, прычынай стала тое, што прадпрыемства-вытворцы ТАА "Еўрапак" не было ў рэестры арганізацый, якія ажыццяўляюць вытворчасць, перапрацоўку і захоўванне падкантрольных тавараў, што перамяшчаюцца паміж дзяржавамі-удзельніцамі Мытнага саюза.
Акрамя таго, кажуць у Рассельгаснаглядзе, партыя вагой 250 кг перавозілася з парушэннем тэмпературнага рэжыму, што прывяло да яе размарозкі. Акрамя таго, у расійскіх прадстаўнікоў выклікаў нараканні ветэрынарна-санітарны стан аўтамабіля.
Фота — D3.ru