Распачатая крымінальная справа супраць кіраўніцтва клінікі "Новы зрок"
Следчы камітэт Беларусі праводзіць расследаванне.
Як паведамляе БЕЛТА, крымінальную справу ў дачыненні да службовых асобаў замежнага прадпрыемства "Клініка "Новы зрок" распачала Генеральная пракуратура. Сталічная міліцыя высветліла, што дырэктар, галоўны бухгалтар і іншыя супрацоўнікі на працягу некалькіх апошніх гадоў пры ўвозе на тэрыторыю нашай краіны медычных тавараў для камерцыйных мэтаў "ухіліліся ад выплаты мытных плацяжоў у буйным памеры".
У цяперашні час высвятляюцца ўсе абставіны "супрацьпраўнай дзейнасці службовых асобаў". Следчыя забралі медычнае абсталяванне, якое мае дачыненне да справы, "з мэтай устанаўлення яго паходжання і адпаведнасці патрабаванням заканадаўства Беларусі".
Фота — Fotolia