Расійскага бізнесоўца застрэлілі з арбалета

Уладальніка расійскай "Мясной імперыі" Вячаслава Муругава знайшлі мёртвым у ягоным доме ў падмаскоўнай Істры. Ён быў застрэлены з арбалета, паведамляе ТАСС са спасылкай на прадстаўніцу Галоўнага следчага ўпраўлення СК па Маскоўскай вобласці Вольгу Врадзій.

У ноч на панядзелак у лазню, размешчаную на ўчастку бізнесоўца, праніклі людзі ў масках. Яны звязалі гаспадара дома і яго жонку і пачалі патрабаваць грошы.

Жанчыне ўдалося ўцячы. Яна выклікала міліцыю, але да моманту прыезду праваахоўнікаў яе муж ужо быў мёртвы.  

"Падчас агляду месца здарэння следчымі і крыміналістамі канфіскаваны арбалет, з якога быў застрэлены мужчына", — расказалі ў расійскім СК.

Машыну, на якой з'ехалі злачынцы, пазней знайшлі ў адной з навакольных вёсак.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.