Рарытэтны Cadillac у Мінску прадаюць за 33 тысячы долараў (фота)
Рэдкі экземпляр прадаюць праз “Аўтабарахолку” — Cadillac De Ville сярэдзіны мінулага стагоддзя.
Аўтамабіль, як сцвярджае прадавец, у добрым стане і на хаду, мае аўтаматычную каробку перадачаў. У Беларусь машына трапіла два гады таму. Цана — 33 тысячы долараў.
Утрыманне гэтакай рэдкай прыгажосці таксама будзе нятанным: на аўтамабіль усталяваны 5,7-літровы бензінавы рухавік, які з’ядае некалькі дзясяткаў літраў паліва на 100 кіламетраў прабегу, інфармуе Onliner.by
