Раналду выдалілі з поля ў яго першым матчы за “Ювентус” у Лізе чэмпіёнаў (відэа)
Крышціяну Раналду выдалілі з поля ў яго першым матчы за “Ювентус” у Лізе чэмпіёнаў. Здарылася гэта на 29-й хвіліне гасцявога паядынку з “Валенсіяй”. У штрафной пляцоўцы гаспадароў поля ў барацьбе ці выпадкова Раналду закрануў твар абаронцы “Валенсіі” Мурыльё, той упаў. І галоўны суддзя немец Фелікс Брых пасля нарады з памочнікам выдаліў форварда! Вось гэта вяртанне ў Іспанію! Крышціяну плакаў ад крыўды, сыходзячы з поля.
“Ювентус” у другім тайме забіў два галы (два пенальці рэалізаваў П’яніч) і перамог — 2:0.
