Праваабаронцам вядомыя імёны 29 з 37 нядаўна вызваленых палітвязняў
Вязень, ілюстрацыйнае фота / pixabay.com
Праваабаронцам вядомыя імёны 29 з 37 палітвязняў, якія выйшлі па памілаванні на гэтым тыдні.
Як піша "Вясна", мінімум пяцёра з іх былі асуджаныя за каментары і рэпосты ў сацсетках, чацвёра — за адпраўку ролікаў «экстрэмісцкім» каналам (у тым ліку, пра перасоўванне ваеннай тэхнікі), трое — за ахвяраванні, адзін — за мірныя сходы.
Сярод вызваленых, напрыклад, маці чатырох дзяцей Кацярына Джыг. Адзін з іх непаўналетні, а старэйшая дачка мае інваліднасць другой групы.
