Праект "Джазавы мост" распачынае новы сезон
А адкрые яго канцэрт знакамітага сучаснага джазавага вакаліста Кевіна Махогані.
Да таго ж, да гурта Apple Tea, які традыцыйна выступае разам з зоркамі "Джазавага маста", далучыцца біг-бэнд Аляксандра Ліпніцкага.
"Нам паступіла абсалютна чароўная джазавая прапанова. Таму што Кевін Махогані — прадстаўнік вышэйшага джазавага эшалону. Гэта вялікі гонар для нас і гэта вельмі адказна. Разам з Кевінам Махогані нам пашчасціць выканаць тры творы. Зараз мы чакаем ад яго ноты, і для нас гэта абсалютны сюрпрыз! І гэта нават дадае пэўны градус цікаўнасці! Атмасфера абсалютна джазавая ўжо нават зараз!" — інтрыгуе Аляксандр Ліпніцкі.
Акрамя заяўленага тандэму, аркестр Аляксандра Ліпніцкага і гурт Apple Tea выканаюць і сольныя творы. Адчуць сапраўдную чорную энергетыку можна будзе 6-га кастрычніка ў вялікай зале к/з "Мінск" і 7-га кастрычніка ў Магілёве.
Кошт квіткоў ад 75 да 300 тысяч рублёў.