Польшча не будзе раскрываць, каго фінансуе ў Беларусі

Ён будзе перашкаджаць беларускім спецслужбам адсочваць інфармацыю пра польскую фінансавую дапамогу грамадзянскай супольнасці.

Як паведамляюць польскія СМІ, падрыхтоўка закона выклікана скандаламі з раскрыццём польскіх банкаўскіх рахункаў Алеся Бяляцкага і “уцечкай” інфармацыі пра дапамогу беларускай апазіцыі на адзін з амерыканскіх інтэрнэт-парталаў.

Кіраўнік праваабарончага цэнтра “Вясна” Алесь Бяляцкі ў лістападзе 2011 года асуджаны на 4,5 года турмы. Яго прызналі вінаватым у нявыплаце падаткаў. Праваабаронца сваёй віны не прызнаў.Падставай для крымінальнага пераследу Бяляцкага стала інфармацыя пра банкаўскія рахункі, якую перадалі афіцыйнаму Мінску Літва і Польшча.

А пры канцы 2012 года на адным з амерыканскіх інтэрнэт-парталаў была змешчаная база дадзеных польскага МЗС пра тое, якую дапамогу і на якія мэты Польшча аказвала беларускай апазіцыі.

На фота: міністр замежных спраў Польшчы Радаслаў Сікорскі.