Пінская школьніца звалілася з сабакам у трохметровую яму
![Пінская школьніца звалілася з сабакам у трохметровую яму](/sites/default/files/styles/gallery_main/public/2023-08/pinsk-2709.jpg.webp?itok=fiSgh0-E)
Пінская школьніца трапіла ў непрыемную сітуацыю, калі вывела на прагулку свайго англійскага бульдога па мянушцы Лэйма, піша прэс-служба УУС Брэсцкага аблвыканкама.
У цемры дзяўчынка не заўважыла трохметровую яму, выкапаную для дрэнажнай сістэмы, і звалілася разам з сабакам. Школьніца спрабавала выбрацца з ямы сама, але не здолела.
Яе крыкі аб дапамозе пачуў камандзір узвода роты міліцыі Пінскага аддзела Дэпартамента аховы капітан Аляксандр Швец, які вяртаўся дадому. Ён дапамог выбрацца наверх дзяўчынцы. А вось дастаць з ямы сабаку мужчына не змог, бо спалоханая Лэйма паводзілася агрэсіўна. Дар'я паклікала з дома на дапамогу бацьку, і пасля гэтага Лэйму таксама ўдалося выратаваць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.