Вы тут

Памёр былы кіраўнік Масквы Юрый Лужкоў

Юрый Лужкоў / Reuters

Памёр былы кіраўнік Масквы Юрый Лужкоў. Яму было 83 гады. Па некаторых звестках, у Мюнхене Лужкову збіраліся зрабіць аперацыю на сэрцы.

Юрый Лужкоў быў мэрам расійскай сталіцы з 1992 да 2010 года. Яго звольніў тагачасны прэзідэнт РФ Дзмітрый Мядзведзеў "у сувязі са стратай даверу". Яшчэ ў канцы 1990-х Лужкоў быў папулярным палітыкам і меў прэзідэнцкія амбіцыі, аднак канкураваць з Уладзімірам Пуціным ён не рашыўся, ужо ў 2001 годзе ўвайшоў у праўладную партыю "Адзіная Расія". Дарэчы, менавіта Пуцін тры гады таму ўзнагародзіў экс-мэра ордэнам "За заслугі перад Айчынай".

Юрый Лужкоў неаднаразова сустракаўся з Аляксандрам Лукашэнкам. Калі Мэра Масквы адправілі ў адстаўку, Лукашэнка напісаў ліст у яго падтрымку, у якім назваў яе "несправядлівай". Ён нават быў гатовы прапанаваць яму працу на дзяржаўнай службе. Беларускі кіраўнік заўсёды называў Лужкова сваім сябрам. Лукашэнка ўжо выказаў спачуванні сям'і памерлага.

Аляксандр Лукашэнка і Юрый Лужкоў на архіўным здымку

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.