Памежны камітэт: 90% беларусаў, якія паехалі за мяжу, — кіроўцы грузавікоў
![Памежны камітэт: 90% беларусаў, якія паехалі за мяжу, — кіроўцы грузавікоў](/sites/default/files/styles/gallery_main/public/2023-08/fura-2003.jpg.webp?itok=cY8LJ5Ay)
Каля 90% з тых 11 тысяч беларусаў, якія за апошнія тры дні выехалі за мяжу, — гэта кіроўцы вялікагруных аўтамабіляў. Пра гэта ў сваім Telegram-канале паведаміла прэс-служба Памежнага камітэта.
"На гэтую катэгорыю грамадзян не распаўсюджваецца забарона ўезду ў сумежныя з Беларуссю краіны", — нагадваюць памежнікі.
Пра 11 тысяч грамадзян Беларусі, якія за тры дні выехалі за мяжу падчас пандэміі каранавіруса, праігнараваўшы рэкамендацыі, заявіла напярэдадні прэс-служба МЗС.
У пятніцу гэтымі людзьмі абурыўся Аляксандр Лукашэнка: "А цяпер яны ламаюць дзверы нашых пасольстваў, тэлефануюць у МЗС: забярыце нас. Але мы не можам 10 тысяч у адзін дзень забраць".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.