Палякі перайшлі мяжу, каб сфатаграфавацца каля беларускага памежнага слупа

На ўчастку адной з заставаў Брэсцкай памежнай групы 31 студзеня былі затрыманыя двое грамадзян Польшчы. Іх звінавацілі ў парушэнні дзяржаўнай мяжы.  Як паведаміў БелаПАН, замежнікі, спыненыя за 40 метраў ад лініі беларуска-польскай мяжы, пры сабе мелі толькі лічбавы фотаапарат.

Затрыманыя растлумачылі, што хацелі сфатаграфавацца каля беларускага памежнага слупа. Пасля разгляду яны былі перададзеныя прадстаўнікам польскай памежнай варты.