Падаткавікі вярнулі 23 тысячам беларусаў збор за "дармаедства"
![Падаткавікі вярнулі 23 тысячам беларусаў збор за "дармаедства"](/sites/default/files/styles/gallery_main/public/2023-08/darmajedy-0308.jpg.webp?itok=no-11j2D)
За першае паўгоддзе 2018 года падатковая інспекцыя разгледзела больш за 23 тысячы заяў ад беларусаў, якія захацелі вярнуць выплачаны збор за "дармаедства". Агулам дзяржава вярнула "дармаедам" амаль 7 мільёнаў 370 тысяч рублёў, паведамляе tut.by са спасылкай на Міністэрства ппадатках і зборах.
Паводле ранейшых паведамленняў МНС, збор на "дармаедства" заплацілі 54 тысячы чалавек. Бюджэт атрымаў ад іх больш за 16,3 мільёна рублёў.
Дэкрэт №3 Аляксандра Лукашэнкі прывёў да масавых пратэстаў увесну 2017 года ў мностве гарадоў краіны. Пасля гэтага дзеянне дэкрэта было прыпыненае. Сёлета 25 студзеня Лукашэнка падпісаў дэкрэт №1 па мерах па садзейнічанні занятасці насельніцтва. У новы дэкрэт не ўвайшоў збор грошай з працаздольных непрацуючых грамадзян на фiнансаванне дзяржаўных выдаткаў. Людзі, раней прызнаныя плацельшчыкамi гэтага збору, былі вызваленыя ад яго выплаты.