Падарунак “Сцяне” на Дзень нараджэння? Штосьці металічнае і цяжкое!
Брэсцкі гурт “Сцяна” адсвяткаваў сваё дзесяцігоддзе. А гэта — сур'ёзны узрост, бо ў беларускай рок-музыкі свае асаблівыя і досыць складаныя умовы выжывання.
Дзіўным чынам, у “Сцяны” (аднаго з самых яскравых і цікавых гуртоў у краіне) атрымалася ўвесь гэты час заставацца навідавоку, эксперыментуючы, спалучаючы сваё цяжкае, фатальнае гучанне з фолкам, хард-корам і нават джазам.
Дзень нараджэння каманды адсвяткавалі канцэртамі ў Брэсце і Мінску. У мінскім R-club сяброў набралася так шмат, што ўсе яны (музыкі і госці) з цяжкасцю размясціліся на сцэне і ў зале. UNIA, B:N, D_Tails, Rahis і SOK — на сцэне, мноства прыхільнікаў дыхтоўнай цяжкай музыкі і творчасці “Сцяны”, у прыватнасці — пад сцэнай. Сяброўскі “міжсабойчык” ярка і магутна адкрыў канцэртны сезон у сталіцы.
UNIA, распрануўшыся яшчэ да пачатку свайго выступу, уцягнулі-такі гледачоў у сваё эратычна-лазеннае дзейства.
Праўда, тэкст песні “Сцяны”, якую UNIA прыгатавала як падарунак імяніннікам, чытаўся з лістка — вывучыць яго да канца так і не атрымалася. Але каму гэта важна, калі вакалісты такія статныя і напаўаголеныя.
D_Tails адыгралі на рэдкасць спакойна, але магутна і вельмі прафесійна.
B:N з Бярозы — даўнія сябры “Сцяны”.
Вакаліст Алесь з B:N нечакана зразумеў для сябе, што ён — секс-сімвал і ледзь быў не стаў самым жаданым прызам для дзяўчынкі Машы, якая ўдзельнічала і перамагла ва ўсіх конкурсах вечара.
Дзяўчынка Маша і сапраўды была годная самага галоўнага прыза ўжо толькі за тое, што паказала, як працуе трактар “Беларусь”: “Жыве, Беларусь!”.
:
Гурт SOK
“Сцяна” або Sciana — як каму заўгодна.
Дзіўным чынам, у “Сцяны” (аднаго з самых яскравых і цікавых гуртоў у краіне) атрымалася ўвесь гэты час заставацца навідавоку, эксперыментуючы, спалучаючы сваё цяжкае, фатальнае гучанне з фолкам, хард-корам і нават джазам.
Дзень нараджэння каманды адсвяткавалі канцэртамі ў Брэсце і Мінску. У мінскім R-club сяброў набралася так шмат, што ўсе яны (музыкі і госці) з цяжкасцю размясціліся на сцэне і ў зале. UNIA, B:N, D_Tails, Rahis і SOK — на сцэне, мноства прыхільнікаў дыхтоўнай цяжкай музыкі і творчасці “Сцяны”, у прыватнасці — пад сцэнай. Сяброўскі “міжсабойчык” ярка і магутна адкрыў канцэртны сезон у сталіцы.
UNIA, распрануўшыся яшчэ да пачатку свайго выступу, уцягнулі-такі гледачоў у сваё эратычна-лазеннае дзейства.
Праўда, тэкст песні “Сцяны”, якую UNIA прыгатавала як падарунак імяніннікам, чытаўся з лістка — вывучыць яго да канца так і не атрымалася. Але каму гэта важна, калі вакалісты такія статныя і напаўаголеныя.
D_Tails адыгралі на рэдкасць спакойна, але магутна і вельмі прафесійна.
B:N з Бярозы — даўнія сябры “Сцяны”.
Вакаліст Алесь з B:N нечакана зразумеў для сябе, што ён — секс-сімвал і ледзь быў не стаў самым жаданым прызам для дзяўчынкі Машы, якая ўдзельнічала і перамагла ва ўсіх конкурсах вечара.
Дзяўчынка Маша і сапраўды была годная самага галоўнага прыза ўжо толькі за тое, што паказала, як працуе трактар “Беларусь”: “Жыве, Беларусь!”.
:
Гурт SOK
“Сцяна” або Sciana — як каму заўгодна.