Падарожжа па акварэльнай Еўропе Ігара Сухарукава
У малой зале Музея
сучаснага выяўленчага мастацтва адкрылася выстава акварэлей сталічнага мастака
Ігара Сухарукава.
Упершыню экспазіцыя пад
назвай "Акварэль. Гарадскі пейзаж" была
прадстаўлена вясной у альма-матэр аўтара
— Акадэміі мастацтваў. Стварэннем работ для
яе Ігар Сухарукаў займаўся больш за 10 гадоў:
Ігар Сухарукаў: "Усю маю творчую біяграфію я рыхтаваў гэтыя акварэлі. З 1997 года я пачаў рабіць першыя працы. Да гэтага часу я працаваў алеем".
Ігар Сухарукаў: "Усю маю творчую біяграфію я рыхтаваў гэтыя акварэлі. З 1997 года я пачаў рабіць першыя працы. Да гэтага часу я працаваў алеем".
Еўрарадыё пацікавілася ў
мастака, як у яго атрымліваецца так дакладна перадаваць архітэктуру розных
гарадоў:
"Бывае па-рознаму, — кажа Ігар. — Нешта фатаграфуецца, нешта пішу па памяці, нешта раблю па папярэдніх накідах і замалёўках".
"Бывае па-рознаму, — кажа Ігар. — Нешта фатаграфуецца, нешта пішу па памяці, нешта раблю па папярэдніх накідах і замалёўках".
Лёгкая, класічная,
празрыстая акварэль чыстымі колерамі перадае настроі кварталаў, плошчаў, вуліц
і гістарычных месцаў Віцебска, Рыгі, Вероны, Прагі, Гамбурга, Венецыі і іншых
гарадоў. Але любімы горад, якому і прысвечана большасць палотнаў,
— Мінск.
"Усё проста — я тут нарадзіўся" , — усміхаецца мастак.
"Усё проста — я тут нарадзіўся" , — усміхаецца мастак.
Ігар Сухарукаў
паспрабаваў прадставіць у сваіх творах не толькі сучасны Мінск, але і Мінск
50-х-60-х гадоў. Вось, напрыклад, праца пад назвай "Мінск 60-х", на якой мастак
ажывіў традыцыйную архітэктуру 60-х гадоў рэтра-аўтамабілямі.
Ігар Сухарукаў: "Гэта карціна — мая невялікая фантазія. Я ўявіў, як гэта магло быць 50 гадоў таму".
"Мінск 60-х"
Ігар Сухарукаў: "Гэта карціна — мая невялікая фантазія. Я ўявіў, як гэта магло быць 50 гадоў таму".
"Мінск 60-х"
Няпростую тэхніку
акварэлі мастак Ігар Сухарукаў выбраў не выпадкова:
Ігар Сухарукаў: "Акварэлістаў не так многа. Вось таму я і выбраў гэтую тэхніку, бачу ў гэтым нейкі эксклюзіў".
Ігар Сухарукаў: "Акварэлістаў не так многа. Вось таму я і выбраў гэтую тэхніку, бачу ў гэтым нейкі эксклюзіў".
Па словах выкладчыка
архітэктурных дысцыплін і загадчыка кафедры дызайну інтэр’ера Мінскага
інстытута кіравання Анатоля Канстанціновіча, сярод архітэктараў шмат тых, хто
захапляецца жывапісам. Але архітэктуру ў акварэлі ён бачыць упершыню.
Анатоль Канстанціновіч: "У архітэктурным асяроддзі чамусьці часцей пішуць пейзажы, партрэты, нацюрморты на бытавыя тэмы, а архітэктуры ў жывапісе вельмі мала.Таму ў творчасці Ігара Сяргеевіча гэты накірунак стаў для мяне прыемным адкрыццём. Я сапраўды ўбачыў архітэктуру ў гэтых акварэлях, а гэта бывае вельмі рэдка".
Анатоль Канстанціновіч
Анатоль Канстанціновіч: "У архітэктурным асяроддзі чамусьці часцей пішуць пейзажы, партрэты, нацюрморты на бытавыя тэмы, а архітэктуры ў жывапісе вельмі мала.Таму ў творчасці Ігара Сяргеевіча гэты накірунак стаў для мяне прыемным адкрыццём. Я сапраўды ўбачыў архітэктуру ў гэтых акварэлях, а гэта бывае вельмі рэдка".
Анатоль Канстанціновіч
Мастак і кандыдат
мастацтвазнаўства Дар’я Іваноўская лічыць, што ў Ігара Сухарукава атрымалася
дасягнуць істотнай мэты
— яго акварэльныя гарады сапраўды дыхаюць.
Дар'я Іваноўская: "У Ігара атрымалася перадаць дух кожнага горада, кожнага месца. Акварэль — вельмі складаны матэрыял. А Ігар яго адчувае, гэта вельмі рэдка. Дзіўна нават, як яму удалося так эпатызаваць Мінск. Калі Прагу прыгожай малююць — гэта выглядае натуральна, яе цяжка сапсаваць. А калі настолькі эпатызаваны Мінск, калі ты ў плынях машын бачыш нейкую паэзію і глыбіню — гэта, вядома, надзвычайна".
Дар'я Іваноўская
Дар'я Іваноўская: "У Ігара атрымалася перадаць дух кожнага горада, кожнага месца. Акварэль — вельмі складаны матэрыял. А Ігар яго адчувае, гэта вельмі рэдка. Дзіўна нават, як яму удалося так эпатызаваць Мінск. Калі Прагу прыгожай малююць — гэта выглядае натуральна, яе цяжка сапсаваць. А калі настолькі эпатызаваны Мінск, калі ты ў плынях машын бачыш нейкую паэзію і глыбіню — гэта, вядома, надзвычайна".
Дар'я Іваноўская
Як адзначае Дар’я
Іваноўская, творы выставы "Акварэль. Гарадскі пейзаж"
— цалкам інтэр’ерныя.
Дар'я Іваноўская: "Яны нясуць радасць. Іх смела можна вешаць дома. Гэтыя акварэлі напісаныя чыстымі, складанымі, не пошлымі колерамі. Яны сучасныя, не ўспрымаюцца проста класічнымі, і сапраўды радуюць вока."
Дар'я Іваноўская: "Яны нясуць радасць. Іх смела можна вешаць дома. Гэтыя акварэлі напісаныя чыстымі, складанымі, не пошлымі колерамі. Яны сучасныя, не ўспрымаюцца проста класічнымі, і сапраўды радуюць вока."
Пакуль Ігар Сухарукаў не
плануе прадстаўляць выставу "Акварэль.
Гарадскі пейзаж" па-за межамі Беларусі. Экспазіцыя працягнецца да 5-га
верасня, а упадабаны твор можна будзе набыць.