Падаляк: пацверджання пагрозы ўварвання Беларусі ва Украіну пакуль няма
![Падаляк: пацверджання пагрозы ўварвання Беларусі ва Украіну пакуль няма](/sites/default/files/styles/gallery_main/public/2023-08/vojska-0403_0.jpg.webp?itok=kYK9oEMq)
Пагрозы прамога ўварвання Беларусі ва Украіну і яе ўдзелу ў баявых дзеяннях пакуль няма. Пра гэта заявіў дарадца кіраўніка Офіса прэзідэнта Украіны Міхаіл Падаляк.
"На сённяшні дзень няма мабілізацыі ў тым аб'ёме, які дастатковы для таго, каб Беларусь прыняла ўдзел у баявых дзеяннях... і на сёння ў нас няма інфармацыі, што яна гатовая ўзяць удзел у баявых дзеяннях на баку РФ", — перадае УНІАН яго словы.
Падаляк пацвердзіў, што Беларусь прадаставіла Расіі сваю тэрыторыю ў рамках саюзніцкіх адносінаў, але "не больш за тое".
Па яго словах, на сёння няма пагрозы, што беларускія войскі будуць уцягнутыя ў "замежную аперацыю".
Наступ расійскіх войскаў на Украіну вядзецца ў тым ліку з тэрыторыі Беларусі. Акрамя таго, з тэрыторыі Беларусі адбываецца запуск ракет на Украіну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.