Пад Гомелем мужчына спрабаваў абрабаваць банк

Спроба рабаўніцтва банка адбылася ў Гомельскім раёне, паведамляе прэс-служба Следчага камітэта. 

Здарэнне адбылося 2 сакавіка каля 13:40. Невядомы мужчына зайшоў у адно з аддзяленняў банка. Ён трымаў у руках прадмет, падобны да пісталета. Мужчына запатрабаваў у касіркі грошы. Жанчына адмовілася выконваць патрабаванні і націснула трывожную кнопку. Пасля гэтага нападнік уцёк.

Цяпер яго шукаюць.

У Гомельскай вобласці ўведзены план "Перахоп". 

Нагадаем, 10 студзеня ў пасёлку Бальшавік пад Гомелем невядомы абрабаваў банк, пагражаючы касіру прадметам, падобным да пісталета. Яго здабычай стала каля 3400 долараў. Нападніка дагэтуль не знайшлі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.