Пачалася міжнародная кампанія салідарнасці з беларускімі палітвязнямі
Пачалася міжнародная кампанія салідарнасці з беларускімі палітвязнямі —
моладзевымі актывістамі Змітром Дашкевічам і Артурам Фінькевічам. У рамках кампаніі створаны Інтэрнэт-сайт, прысвечаны Дашкевічу. Запланаваная сустрэча амбасадараў краінаў Еўрасаюза з беларускімі палітыкамі, на якой плануецца ўзняць пытанне пра становішча зняволеных маладафронтаўцаў.
Нядаўна ў Міжнародную асацыяцыю адвакатаў быў дасланы ліст з нагоды выкарыстання ў Беларусі артыкула Крымінальнага кодэксу (адмова альбо ўхіленне сведкі ці пацярпелага ад дачы паказанняў), які прадугледжвае пакаранне да трох гадоў пазбаўлення волі.
Гэты артыкул быў ужыты ўпершыню ў Беларусі – да Змітра Дашкевіча. Міжнародныя эксперты мусяць даць заключэнне наконт правамернасці гэтага кроку.
Нагадаем, Дашкевіч у лістападзе 2006 года быў прызнаны вінаватым у дзейнасці ад імя незарэгістраванай арганізацыі і асуджаны на паўтара года пазбаўлення волі. Ён адбывае пакаранне ў шклоўскай калоніі.
Зараз актывісту пагражае новы тэрмін за адмову даць паказанні па справе сябра.
Фінькевіч у траўні 2006-га быў асуджаны на два гады абмежавання волі і зараз яму таксама пагражае новы тэрмін.
БелаПАН
Нядаўна ў Міжнародную асацыяцыю адвакатаў быў дасланы ліст з нагоды выкарыстання ў Беларусі артыкула Крымінальнага кодэксу (адмова альбо ўхіленне сведкі ці пацярпелага ад дачы паказанняў), які прадугледжвае пакаранне да трох гадоў пазбаўлення волі.
Гэты артыкул быў ужыты ўпершыню ў Беларусі – да Змітра Дашкевіча. Міжнародныя эксперты мусяць даць заключэнне наконт правамернасці гэтага кроку.
Нагадаем, Дашкевіч у лістападзе 2006 года быў прызнаны вінаватым у дзейнасці ад імя незарэгістраванай арганізацыі і асуджаны на паўтара года пазбаўлення волі. Ён адбывае пакаранне ў шклоўскай калоніі.
Зараз актывісту пагражае новы тэрмін за адмову даць паказанні па справе сябра.
Фінькевіч у траўні 2006-га быў асуджаны на два гады абмежавання волі і зараз яму таксама пагражае новы тэрмін.
БелаПАН
