Няма звестак пра месцазнаходжанне Арцёма Панасюка — кіроўцы Бабарыкі
![Няма звестак пра месцазнаходжанне Арцёма Панасюка — кіроўцы Бабарыкі](/sites/default/files/styles/gallery_main/public/2023-08/babaryka-1806-3.jpg.webp?itok=8hUrLff5)
Няма звестак пра месцазнаходжанне Арцёма Панасюка — кіроўцы і памочніка Віктара Бабарыкі.
Прэтэндэнта на прэзідэнцкую пасаду Віктара Бабарыку разам з яго сынам і кіраўніком ініцыятыўнай групы Эдуардам затрымалі зранку 18 чэрвеня, калі яны ехалі здаваць подпісы ў выбаркам.
Разам з Бабарыкамі быў затрыманы яго кіроўца Арцём Панасюк. У яго дома засталіся трое непаўналетніх дзяцей — 11, 12 і 17 гадоў. Іх забрала сястра яго жонкі.
Увечары 18 чэрвеня дадому да Панасюка завіталі міліцыянты.
![Няма звестак пра месцазнаходжанне Арцёма Панасюка — кіроўцы Бабарыкі](/sites/default/files/paragraphs/image/dziecipanasuik_0.jpg)
Дзеці Арцёма Панасюка і міліцыянты ў двары дома / Еўрарадыё
Паводле некаторых звестак, таксоўку, на якой вывозілі дзяцей Панасюка, пераследавалі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.