Фігуранта "справы Белгазпрамбанку" вызвалілі з калоніі — праваабаронцы
![Суд па справе "Белгазпрамбанка"](/sites/default/files/styles/gallery_main/public/2024-02/hazprambank-2102.jpg.webp?itok=NqsPUBID)
Суд па справе "Белгазпрамбанка" / sb.by
У Віцебскім раённым судзе 9 лютага разглядалі справу аб замене пакарання Дзмітрыю Кузьмічу, пішуць праваабаронцы.
Дзмітрый Кузьміч — фігурант "справы Белгазпрамбанка", па якой асудзілі прэтэндэнта на прэзідэнцкую пасаду, палітвязня Віктара Бабарыку. Кузьміч быў намеснікам старшыні праўлення банка. Падчас следства і на працэсе ён даў падрабязныя паказанні, на судзе прызнаў сваю віну. Яму прысудзілі шэсць гадоў калоніі.
Хутчэй за ўсё, па выніках новага суда яго вызвалілі з калоніі, адзначаюць праваабаронцы.
Пра стан Віктара Бабарыкі няма звестак ужо амаль год. Ён адбывае 14-гадовы тэрмін у наваполацкай калоніі №1.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.