Новым паслом Аўстрыі ў Беларусі можа стаць спецыяліст па "гарачых кропках"
![Новым паслом Аўстрыі ў Беларусі можа стаць спецыяліст па "гарачых кропках"](/sites/default/files/styles/gallery_main/public/2023-08/2014-10-05-sturm.jpg.webp?itok=fQrkjvrN)
У аўстрыйскім МЗС запланаваныя перастаноўкі, паведаміў канал Puls 24. Між іншым яны закранулі і дыппрадстаўніцтва гэтай краіны ў Беларусі. Пасол Аўстрыі Алаізія Вергетэр ачоліць пастаяннае прадстаўніцтва Аўстрыі пры Савеце Еўропы (безумоўна, для яе гэта павышэнне). На яе месца могуць прызначыць Рональда Штурма. Даследчык Аляксандр Фрыдман звяртае ўвагу, што Штурм — спецыяліст па "гарачых кропках", некалькі гадоў ён быў амбасадарам у Лівіі. "Выбар на карысць Штурма многае кажа аб успрыманні Беларусі ў Аўстрыі", — адзначае Фрыдман. Застаецца толькі пад пытаннем, ці будзе ўручэнне даверчых грамат Аляксандру Лукашэнку, якога ў ЕС не прызнаюць легітымным кіраўніком Беларусі.
Апошнім часам дачыненні Беларусі і Аўстрыі няпростыя. Нядаўна праўладныя прапагандысты накідваліся на Алаізію Вергетэр — яна асудзіла затрыманне прэс-сакратара А1 Мікалая Брэдзелева.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.