Нецвярозаму гродзенцу прымроілася бомба ў камп'ютары
Гродзенская міліцыя атрымала тэлефанаванне ад 41-гадовага жыхара горада: мужчына паведаміў, што ў яго кватэры шматпавярховага дома па вуліцы Ліможа закладзеная бомба.
Прыбыўшы на месца здарэння, міліцыянты западозрылі, што не ўсё ў тэлефанаванні мужчыны адпавядае праўдзе. Сам гродзенец быў п'яны і паводзіў сябе крыху неадэкватна. Мужчына паказаў міліцыянтам на сістэмны блок свайго камп'ютара і заявіў, што там знаходзіцца бомба. Выбуховае прыстасаванне, па яго словах, у камп'ютар заклаў невядомы.
Міліцыянты выклікалі хуткую дапамогу на месца здарэння, перадае прэс-служба Гродзенскага абласнога УУС.
Тым не менш, кватэру яны праверылі з удзелам сапёрна-піратэхнічнай групы. Як і меркавалася выбуховага прыстасавання там не было.
На гродзенца пачалі крымінальную справу за заведама ілжывае паведамленне аб небяспецы (ч.1 арт.340 КК).
Дарэчы, у міліцыю мужчына тэлефанаваў зрабіў з матчынага мабільніка.
