Назіральніцу за выбарамі пазбавілі акрэдытацыі за пакет з прадуктамі
Недарэчны выпадак адбыўся на выбарчым участку № 53 Чыгуначнай акругі № 20.
Каардынатарка аргкамітэту па стварэнні партыі "Беларуская Хрысціянская Дэмакратыя" па Мінску Галіна Каржанеўская назірала за выбарамі ў межах кампаніі "Права выбару".
У вечары 21 сакавіка яна забылася на ўчастку пакет з прадуктамі і вярнулася па яго. Дзяжурны міліцыянт вярнуў ёй пакет, а раніцай яна даведалася, што яе пазбавілі акрэдытацыі за "спробу пранікнення на ўчастак пасля закрыцця", інфармуе прэс-служба БХД.
