Намеснік старшыні Валожынскага райвыканкама затрыманы за хабар
![Намеснік старшыні Валожынскага райвыканкама затрыманы за хабар](/sites/default/files/styles/gallery_main/public/2023-08/96005.jpg.webp?itok=DsSj92v1)
Галоўнае ўпраўленне па барацьбе са злачыннасцю і карупцыяй МУС Беларусі затрымала пасля праверкі намесніка старшыні Валожынскага райвыканкама.
Падчас праверкі супрацоўнікі ўпраўлення высветлілі, што ў лістападзе 2013 года намеснік старшыні райвыканкама па пытаннях будаўніцтва і ЖКГ садзейнічаў неабгрунтаванаму пералічэнню 2 млрд рублёў аднаму з прыватных прадпрыемстваў.
Сродкі з бюджэту пераводзіліся за нібыта выкананыя будаўнічыя работы, якія фактычна не праводзіліся. За спрыяльнае вырашэнне пытання намеснік атрымаў хабарам таварна-матэрыяльныя каштоўнасці агульным коштам больш як 10 млн рублёў.
Падпісанне ліпавых актаў аб выкананні будаўнічых работ прывяло да несвоечасовага ўводу ў эксплуатацыю жылога шматкватэрнага дома і павелічэнню канчатковага кошту яго будаўніцтва.
Следчы камітэт прад’явіў затрыманаму абвінавачванне па ч.3 арт.430 Крымінальнага кодэкса (атрыманне хабару), абраная мера стрымання - арышт. Праводзяцца далейшыя аператыўна-вышуковай мерапрыемствы і следчыя дзеянні. Правяраецца іншая інфармацыя па магчымых парушэннях заканадаўства з боку фігуранта і іншых службовых асобаў Валожынскага раёна, паведамляе БЕЛТА.
Фота: bobr.by