Надвор’е на нядзелю: дажджы і туманы
У бліжэйшыя суткі, 24 лістапада, у Беларусі ўсталюецца хмарнае дажджлівае надвор’е.
Уначы невялікія дажджы пройдуць месцамі, удзень — на большай частцы тэрыторыі. У начныя і ранішнія гадзіны ў многіх раёнах, а ўдзень месцамі чакаюцца туманы. Вецер пераменных напрамкаў слабы да ўмеркаванага.
Тэмпература паветра ўначы складзе ад 2 да 7 градусаў цяпла, удзень паветра прагрэецца да плюс 4-9 градусаў, перадае БЕЛТА са спасылкай на Белгідрамет.
Ужо 25 лістапада надвор’е рэзка памяняецца: чакаецца мокры снег, па паўночна-заходняй палове месцамі галалёд, на дарогах галалёдзіца. Раніцай і ўдзень вецер узмацніцца і будзе дасягаць 15-22 метраў за секунду.