Вы тут

На Зэльвенскім вадасховішчы вецер адарваў крыгу з шасцю рыбакамі

Гродзенскіх рыбакоў выратавалі з адарванай крыгі / pixabay.com

Крыгу з шасцю рыбакамі адарвала ветрам на Зэльвенскім вадасховішчы 17 студзеня. Пра гэта агенцтву БЕЛТА расказалі ў Гродзенскай абласной арганізацыі Беларускага рэспубліканскага таварыства ратавання на водах (ТРВАД).

Некалькі рыбакоў вышлі на лёд, не зважаючы на папярэджанні ратавальнікаў. Моцны вецер адарваў крыгу і панёс на адкрытую ваду. Акрамя таго, лёд пад рыбакамі пачаў разбурацца.

Ратавальнікі падышлі да іх на аэраглісеры і забралі з крыгі ўсіх рыбакоў. 

Дарэчы, на пачатку студзеня на Зэльвенскім вадасховішчы выратавалі дзесяць чалавек, пад якімі лёд пачаў літаральна разбурацца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.