На Ямале ратавалі дзяцей, якія апынуліся на льдзіне ў двары дома (відэа)
У Расіі на Ямале ратавалі дзяцей, якія апынуліся на льдзіне ў двары дома. Здарэнне адбылося ў горадзе Наябрск. Дзеці гулялі на лёдзе, які ўтварыўся на вялізнай лужыне паміж двума новабудоўлямі. Яны дабраліся да льдзіны ў цэнтры лужыны і самастойна выбрацца адтуль не змаглі. На месца здарэння давялося выклікаць ратавальнікаў. Відэа таго, як гэта адбывалася, з’явілася на YouTube.
