На Віцебшчыне знайшлі больш за 250 няўлічаных азёраў

Больш за 250 няўлічаных малых азёраў выявілі беларускія навукоўцы на Віцебшчыне. Пакуль усе яны пазначаныя ў дакументах пад нумарамі, але пазней, з дапамогай грамадскасці, атрымаюць назвы.
Як адзначае агенцтва "Интерфакс-Запад", на такую знаходку навукоўцы натрапілі падчас інвентарызацыі водных аб'ектаў на тэрыторыі Беларусі. Праца яшчэ ідзе, але ўжо цяпер прагназуецца, што будзе "каласальная лічба няўлічаных раней азёр, рэк".