На пажары ў Віцебску загінулі два чалавекі
У ноч на 30 сакавіка віцебскія ратавальнікі атрымалі паведамленне пра пажар прыватнага дома ў абласным цэнтры на вуліцы 6-я Задарожная.
Прыбыўшы на месца здарэння, яны пабачылі што дом гарыць адкрытым полымем, у ім часткова абрынуўся дах і перакрыцці.
Гаспадар дома памёр каля двух гадоў таму. У доме перыядычна жыў яго 30-гадовы знаёмы, непрацуючы, зарэгістраваны ў Фаніпалі Мінскай вобласці.
Ратавальнікі ліквідавалі пажар за 30 хвілін, а потым заняліся разборкай абрынутых канструкцый. У жылым пакоі каля акна яны знайшлі труп жыхара дома, а пазней — і яго госця, 63-гадовага пенсіянера з суседняй вуліцы. Як распавялі суседзі, напярэдадні мужчыны распівалі спіртныя напоі.
Прычына пажару высвятляецца. Мяркуецца, што ён узнік у выніку неасцярожнасць пры курэнні.
