На Нёмане паводка знесла мост
![На Нёмане паводка знесла мост](/sites/default/files/styles/gallery_main/public/2023-08/nioman-1102.jpg.webp?itok=_nubfbiW)
У Лідскім раёне каля вёскі Мацевічы 10 лютага ледаход і паводка часткова знеслі драўляны мост, інфармуе прэс-служба Гродзенскага абласнога ўпраўлення МНС.
Шырыня ракі ў гэтым месцы складае 60 метраў. Драўляны мост праз раку быў даўжынёй 72 метры, ён пабудаваны ў 2012 годзе. Разбураныя 40 метраў моста.
Паведамляецца, што мост у летні час выкарыстоўваўся для пераезду сельскагаспадарчай тэхнікі і дастаўкі газавых балонаў жыхарам вёскі Карытніца.