Вы тут

На філалагічным факультэце БДУ змяніўся дэкан — упершыню за 19 гадоў

Злева направа: Сяргей Важнік і Іван Роўда / bsu.by

1 красавіка на філалагічным факультэце БДУ афіцыйна прадставілі новага дэкана, паведамляе прэс-служба ўніверсітэта. Гэтую пасаду заняў былы дэкан факультэта соцыякультурных камунікацый Сяргей Важнік.

Ён змяніў Івана Роўду, які ўзначальваў факультэт з 2002 года.

"Наша Ніва" спыталася ў Роўды, ці праўда, што яго адстаўка звязаная з лаяльнасцю да палітычна актыўных студэнтаў. Экс-дэкан абверг гэтыя звесткі: "Проста трэба даць дарогу маладзейшым. Усё ж амаль чвэрць стагоддзя ўзначальваў факультэт — вялікі тэрмін. Пры гэтым я застануся загадчыкам кафедры рускай мовы, буду выкладаць на факультэце і займацца навуковай працай. Калі б прычыны майго змяшчэння былі звязаныя з палітыкай, я б увогуле не застаўся на факультэце".

Дарэчы, Важнік прапанаваў, каб Роўду надалі званне ганаровага дэкана філфака. Факультэцкая рада пагадзілася з гэтай прапановай.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.