На чэмпіянат свету па хакеі 2014 года прададзена больш за 260 000 квіткоў

Як адзначыў кіраўнік Дырэкцыі па правядзенні чэмпіянату свету па хакеі 2014 года, старшыня Беларускай федэрацыі хакея Яўген Ворсін, попыт на квіткі велізарны. Амаль усе квіткі на матчы зборнай Беларусі ўжо прададзеныя, адзначаюць "Мінск-навіны". Агулам рэалізавана больш за 260 тысяч квіткоў. Арганізатары плануюць прадаць яшчэ каля 200 тысяч квіткоў.

Хакейныя каманды пачнуць прылятаць у Мінск 7 траўня, кажа Ворсін. Прадуманая сістэма прыёму калектываў, каб яны максімальна хутка прайшлі мытны кантроль і перамясціліся з аэрапорта ў гасцініцу. На самым высокім узроўні арганізуецца харчаванне для спартоўцаў. Некаторыя каманды прыбудуць са сваімі кухарамі.

Фота — minsknews.by