На Брэстчыне ліквідуюць дробныя свінафермы
Прычынай стала масавае захворванне свіней на свінакомплексе "Усходні" пад Баранавічамі. Пра гэты выпадак паведамлялі СМІ.
Як піша газета “Вечерний Брест”, у Іванаўскім раёне будзе ліквідавана шэсць свінафермаў, у Пінскім пяць, і такія працэсы ідуць па ўсёй вобласці.
Пасля выпадку на баранавіцкім свінакомплексе абласныя чыноўнікі пастанавілі прывесці да 1 чэрвеня ўсе свінафермы ў адпаведнасць з санітарнымі і ветэрынарнымі патрабаваннямі. “Некандыцыйныя” аб’екты загадана ліквідаваць.
І як выявілася, даволі шмат калгасаў не здольныя прывесці свае свінафермы да неабходных нарматываў. Таму іх кіраўніцтва распрадае свіны статак, а вызваленыя памяшканні будуць выкарыстоўваць у іншых мэтах.
Фота — agroacadem.ru
