На Беларускім металургічным заводзе знайшлі 25 авіябомбаў (фота)
На іх натрапіў экскаватаршчык падчас земляных работ. Эвакуацыя працаўнікоў не праводзілася.
Здарэнне адбылося ў панядзелак, 26 жніўня, у Жлобіне на тэрыторыі аднаго з цэхаў Беларускага металургічнага завода. На месца прыехалі сапёры.
Як паведамляе прэс-служба МНС, было вызначана, што шэсць боепрыпасаў аказаліся вучэбнымі і пагрозы не ўяўляюць. Іх вырабілі ў СССР у паваенны час. Ідэнтыфікацыя рэшты боепрыпасаў абцяжараная з-за моцнага пашкоджання карозіяй. Усе авіябомбы былі без узрывальнікаў.
У аўторак знойдзеныя боепрыпасы павязуць на месца іх ліквідацыі.
Фота — mchs.gov.by
