МЗС Украіны: на замену міфічным "тонам зброі" прыйшлі "беспілотнікі"
![МЗС Украіны: на замену міфічным "тонам зброі" прыйшлі "беспілотнікі"](/sites/default/files/styles/gallery_main/public/2023-08/dron-0302.jpg.webp?itok=Bm_4o3qX)
"Чарговая правакацыя ўладаў у Беларусі", — так прэс-сакратар украінскага МЗС Алег Ніколенка адрэагаваў на заяву пра збіты ў Беларусі ўкраінскі дрон-шпіён.
"На замену міфічным "тонам зброі" прыйшлі "беспілотнікі". Украіна не выкарыстоўвала БПЛА. Заклікаем Мінск не падыгрываць дэстабілізуючым дзеянням Расіі. Спакой на мяжы Беларусі і Украіны — у інтарэсах усяго рэгіёна", — напісаў дыпламат у сваім акаўнце ў Твітары.
Тым часам беларускія праўладныя каналы апублікавалі фота нібыта збітага дрона.
Як распавядала Еўрарадыё, сёння беларускае МЗС заявіла, што 10 дзён таму над палігонам "Брэсцкі" збілі ўкраінскі дрон-шпіён. З гэтай нагоды ў МЗС Беларусі быў выкліканы амбасадар Украіны.
Чергова провокація влади в Білорусі. На заміну міфічним «тонам зброї» прийшли «безпілотники». Україна не використовувала БПЛА. Закликаємо Мінськ не підігрувати дестабілізаційним діям Росії. Спокій на кордоні Білорусі та України в інтересах всього регіону. pic.twitter.com/lLHQc2eGFM
— Oleg Nikolenko (@OlegNikolenko_) February 3, 2022
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.