Мужчыну вярнулі барсетку, якую ён пакінуў у банку, але зніклі 700 долараў
Гэты выпадак адбыўся ў Вілейцы ў пачатку кастрычніка.
Каля 13-й гадзіны ў зале абслугоўвання наведвальнікаў цэнтра банкаўскіх паслуг філіяла “Беларусбанка” на прылаўку каля касы 57-гадовы жыхар Вілейкі забыўся сваю барсетку. Неўзабаве пра гэта ўспомніў ды вярнуўся ў банк. Але яго барсетку ўжо знайшлі людзі і перадалі адміністратару.
Аднак пры праверцы барсеткі, гаспадар убачыў, што адтуль знікла 700 долараў. 14 кастрычніка пасля праведзенай праверкі распачалі крымінальную справу за крадзеж, паведамляе "Рэгіянальная газета".