Муж і жонка згарэлі ў сваім дачным доме
Трагедыя здарылася раннім ранкам 20 ліпеня ў вёсцы Буда Бабруйскага раёна.
Паведамленне аб пажары паступіла а 4.48. На момант прыбыцця ратавальнікаў агонь ужо ахапіў увесь дом, з вокнаў валіў дым. Суседзі сказалі, што ўнутры знаходзяцца людзі, аднак уратаваць іх не ўдалося.
Ахвярамі агню сталі мужчына і жанчына 1949 года нараджэння. Прычына пажару вызначаецца, інфармуе БЕЛТА.