Моладзь размясціла фотаздымкамі мінчукоў па ўсёй Беларусі.

Такім чынам моладзь заклікала грамадзян больш актыўна ўдзельнічаць у жыцці краіны.

У цэнтры сталіцы моладзевыя актывісты паставілі стэнд з лозунгам кампаніі "Грамадзянін" і фатаграфавалі ахвочых мінакоў. Адну копію здымку давалі ў падарунак, а другую размяшчалі на стэндзе, зроблены пад абрысы дзяржаўных межаў.

"Сэнс гэтай акцыі – паказаць, што Беларусь ствараюць не чыноўнікі, не палітыкі, а яе грамадзяне.  Мы паказваем, што можна працаваць з грамадзянамі вось так на вуліцы, расказваць пра нашы мэты...", – распавёў адзін з арганізатараў акцыі Мікіта Красноў.

За паўгадзіны на стэнд сфатаграфаваліся каля 50 чалавек. Усё прайшло на пазітыве.

Дзяўчыны: "О, Богі! Ура! Нарэшце, дзякуй!"

Дарэчы, паўдзельнічаць у крэатыўнай акцыі можна было і праз інтэрнэт – загадзя даслаць свой фотаздымак праз інтэрнэт, каб яго размясцілі на стэндзе.


Даведаўшыся пра акцыю "ВКонтакте", некаторыя так і зрабілі.

Мікіта Красноў: "Фактычна ўдзельнічаюць не толькі жыхары, якія праходзяць, але і шмат карыстальнікаў інтэрнэта даслалі сваю фотку".

Дарэчы, выпадкова удзельнікам акцыі стаў і кандыдат у прэзідэнты Мікалай Статкевіч.

Мікалай Статкевіч: "Я тут праходзіў.. Я падтрымліваю гэтую кампанію! І Сяргей Скрабец ад імя нашай партыі прыходзіў на прэзентацыю гэтай ініцыятывы..."

Нядаўна актывісты "Грамадзяніна" занеслі ў Мінгарвыканкам паўтысячы заявак на правядзенне масавых мерапрыемстваў. І па ўсіх 500 атрымалі адмову. 

"Нам адмовілі па ўсіх заяўках! Мы будзем праводзіць новую акцыю, каб зноўку падняць праблему свабоду сходаў у нашай краіне!" – заяўляе актывіст "Грамадзяніна" Вячаслаў Дзіянаў.

Па яго словах, гэтае мерапрыемства адбудзецца на Дзень правоў чалавека 10 снежня.

Фота: Кампанія "Грамадзянін"