Містычная аварыя з удзелам беларускага аўтобуса (фота)
Вялізны лось заляцеў проста ў кабіну да кіроўцы. На шчасце, ніхто з людзей не пацярпеў — пасажыры спалі, а кіроўца паспеў адхіліцца.
А вось лось загінуў імгненна.
Як піша газета Daily Mail, пасажырскі аўтобус ехаў з Мінска ў Кіеў. Здарэнне адбылося на беларускай тэрыторыі. Хуткасць аўтобуса ў гэты момант была 70 кіламетраў за гадзіну. Аднак пасля аварыі заўважылі, што на спідометры з'явіліся лічбы... 666,6. Адразу ж пачаліся размовы пра гэтыя містычныя лічбы, а некаторыя пасажыры нават маліліся, адзначае брытанскае выданне.
Фота — first-gear.in.ua