Мінскую айцішніцу за абразу беларускай мовы аштрафавалі на 270 рублёў

Мінскую айцішніцу Вольгу Малкіну аштрафавалі на 270 рублёў (10 базавых велічыняў). Адпаведнае рашэнне 17 лютага прыняў суд Партызанскага раёна Мінска. 

Афіцыйнае паведамленне Мінскага гарвыканкама апублікаваў у сваім акаўнце ў Фэйсбуку апублікаваў Ігар Случак. 

Інцыдэнт адбыўся напрыканцы 2019 года. Малкіна, якая працавала ў EPAM, напісала ў Фэйсбуку па-руску наступнае: "Я ведаю 4 [мовы], акрамя моў праграмавання. Натуральна брыдкую белмову і не разглядала для вывучэння. Наўмысна. Сваю бы*ламову самі вучыце".

Праз нейкі час пасля гэтага кампанія EPAM паведаміла, што Малкіна ў іх ужо не працуе. У кампаніі не сталі каментаваць звальненне дзяўчыны, але адзначылі, што супрацоўнікі нават у сацсетках не павінныя парушаць этычныя нормы. 

Дарэчы, 10 базавых велічыняў — гэта максімальна магчымы штраф, які пагражаў Малкінай за абразу беларускай мовы. (Мінімальны — 4 базавыя, альбо 108 рублёў на сёння.)

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.