Мінскае "Дынама" па булітах абыграла "Амур", хет-трык Андрэя Касціцына

19 лістапада мінскае "Дынама" абыграла ў Хабараўску "Амур" — 4:3 (1:1, 1:0, 1:2, 0:0, 1:0). У асноўны час мінчукі двойчы вялі ў ліку, але ў трэцім перыядзе "Амур" вырваўся наперад. За 27 секундаў да сірэны лік стаў 3:2 на карысць гаспадароў пляцоўкі. Здавалася, што паражэння не пазбегнуць. Але Андрэй Касціцын на апошніх секундах зраўнівае лік. У яго хет-трык! У авертайме закінутых шайбаў не было. У булітнай серыі хакеісты здолелі закінуць шайбы толькі тройчы, дзве з іх на рахунку дынамаўцаў Івана Драздова і Яўгена Кавыршына.

21 лістапада мінскае "Дынама" згуляе ў гасцях з "Куньлунем".

Дарэчы, "Дынама" развіталася з 24-гадовым расійскім абаронцам Іллёй Хахловым. Ён з'явіўся ў складзе дынамаўцаў у траўні, згуляў 20 матчаў, аддаў адну выніковую перадачу. З іншых навін з клуба — Віталь Коваль стане трэнерам па брамніках, а Даніэль Корса — трэнерам па фізпадрыхтоўцы.