Міністр замежных спраў Польшчы назваў Святлану Ціханоўскую прэзідэнткай
Святлана Ціханоўская / twitter.com/Tsihanouskaya
Міністр замежных спраў Польшчы Радаслаў Сікорскі назваў Святлану Ціханоўскую прэзідэнткай. У сацсетцы Х (былы Twitter) ён падзякаваў ёй за віншаванне з прызначэннем на пасаду.
"Дзякуй, прэзідэнт Ціханоўская, — піша Сікорскі. — Ваш муж і ўсе астатнія палітвязні ў Беларусі — героі справы свабоды. Польшча будзе працаваць над тым, каб аднойчы [яна магла] прывітаць вас як незалежнага, дэмакратычнага і еўрапейскага суседа".
Радаслаў Сікорскі — сімвалічны "хросны" палітвязня Сяргея Ціханоўскага. Еўрарадыё распавядала пра польскага міістра і яго пазіцыю па Беларусі. Надзеі рэжыму Аляксандра Лукашэнкі на тое, што новы польскі ўрад "перагорне старонку" і будзе супрацоўнічаць з РБ, наўрад ці спраўдзяцца.
Thank you, President @Tsihanouskaya.
— Radosław Sikorski (@sikorskiradek) December 13, 2023
Your husband and all the other political prisoners in Belarus, are heroes in the cause of freedom. Poland will work to welcome you one day as an independent, democratic and European neighbour. https://t.co/kgpmGqbgDv
