Мінгандлю прыпыніла дзейнасць кавярні Don Coffe'on ў Мінску (фота)
![Мінгандлю прыпыніла дзейнасць кавярні Don Coffe'on ў Мінску (фота)](/sites/default/files/styles/gallery_main/public/2023-08/230e3f658c6cc0237a3e6338c1b82a48.jpg.webp?itok=e-H6x0GQ)
Міністэрства гандлю прыпыніла дзейнасць кавярні Don Coffe'on ў Мінску. Супрацоўнікі гандлёвай інспекцыі выявілі шматлікія парушэнні. Найперш яны датычаць якасці і ўмоваў захоўвання прадуктаў харчавання. Як піша газета "Знамя юности", падчас праверкі знайшлі пратэрмінаваны сок, гарбату, кілбасу, якую нельга ўжываць з лютага (!). На кухні ляжалі пакеты з кавалачкамі хлеба, пакрытага цвіллю. Парушэнні былі выяўленыя нават у шыльдзе кавярні.
На выпраўленне недахопаў было дадзена два тыдні. Штраф склаў больш за 19 млн рублёў.
Фота: zn.sb.by
![Мінгандлю прыпыніла дзейнасць кавярні Don Coffe'on ў Мінску (фота)](/sites/default/files/paragraphs/image/d13-kft1x.jpg)