Мінгандлю дазволіла пачаць працу 177 крамам "Дабранома"
Іх зачынілі два тыдні таму за парушэнне тэрмінаў разліку за тавар.
Міністэрства гандлю Беларусі дазволіла пачаць працу 177 крамам "Дабранома". Іх зачынілі два тыдні таму за парушэнне тэрмінаў разліку за тавар. Гандлёвая сетка запазычыла пастаўшчыкам больш за 30 млрд рублёў. Калі б парушэнні не былі выпраўленыя, сетку крамаў "Дабраном" маглі ліквідаваць.
Аднак, як паведамляе БЕЛТА, Мінгандлю дазволіла працаваць крамам ад 21 ліпеня. Гандлёвая сетка ўжо не мае запазычанасці і пацвердзіла гэта дакументамі. Да таго ж "Дабраном" разлічыўся з новай пратэрмінаванай запазычанасцю ў памеры больш за 60 млрд рублёў. Зроблена гэта было за кошт атрыманай выручкі.
Фота: Fotolia
