Мінчукі спрабуюць зарабіць 800 долараў за суткі за здачу кватэры
Яны спадзяюцца, што такіх грошай не пашкадуюць госці хакейнага чэмпіянату свету, які пачнецца ў беларускай сталіцы 9 траўня.
Як паведамляе БЕЛТА са спасылкай на кіраўніцу аддзела арэнды жылля групы кампаній "Твая сталіца" Наталлю Радзеню, апошнім часам на арэндным рынку жылля з'явілася дастаткова шмат прапановаў. І далёка не ўсе кватэры адпавядаюць цане, якую заяўляюць іх гаспадары.
Уладальнікі жылля спрабуюць зарабіць падчас хакейнага чэмпіянату свету і здаць свае кватэры, а самі збіраюцца жыць на лецішчах ці ў сяброў. Цэны на такія кватэры стартуюць ад 200 долараў да 800 долараў. Наталля Радзеня адзначае, што гэта вельмі дорага, бо пражыванне ў новых камфартабельных гатэлях у цэнтры Мінска каштуе 200 долараў за суткі.
Фота — Fotolia
