Мінчук незаконна зарабіў мільярды на продажы садавіны
З лістапада 2012-га да чэрвеня 2013 года мужчына здзяйсняў прадпрымальніцкую дзейнасць без дзяржрэгістрацыі.
Садавіну і спецыі ён купляў у "суб'ектаў гаспадарання Грузіі" ды прадаваў іх невядомым асобам. Пры гэтым выкарыстоўваў рэквізіты індывідуальнага прадпрымальніка Ліды і прыватнага прадпрыемства сталіцы.
У выніку, як налічылі праваахоўнікі, мужчына незаконна атрымаў прыбытак у памеры больш за 6 мільярдаў рублёў (больш за 600 тысяч долараў). Крымінальная справа распачатая па артыкуле "Незаконная прадпрымальніцкая дзейнасць", паведамляе БЕЛТА.
