Вы тут

Міліцыянера, які падтрымаў абаронцаў Курапатаў, звольнілі, ён за кратамі

Фота са старонкі Ганны Шапуцька ў Facebook.

Міліцыянера, які нядаўна падтрымаў абаронцаў Курапатаў, звольнілі. Міхаіл Грамыка цяпер адбывае адміністрацыйны арышт у Цэнтры ізаляцыі правапарушальнікаў на Акрэсціна, дзе раней працаваў. Пра гэта паведамляе "Новы час".

У Курапатах Грамыка пабываў 30 чэрвеня. Ён паўдзельнічаў у акцыі пратэсту супраць адкрыцця каля народнага мемарыялу рэстарана і не хаваў, што працуе на Акрэсціна. Паводле слоў Міхаіла Грамыкі, на яго зрабілі вялікае ўражанне апазіцыянеры, якія адбывалі арышт. Ён прызнаўся, што стаміўся быць наглядчыкам.

Мяркуецца, што Грамыка быў звольнены ў першы ж працоўны дзень пасля ўдзелу ў курапацкай вахце. На волю ён мусіць выйсці 15 ліпеня. За два дні да гэтага адбудзе адміністрацыйны арышт абаронца Курапатаў Максім Вінярскі, 14 ліпеня вызваляць Аляксея Туровіча.

Фота са старонкі Ганны Шапуцька ў Facebook.