Вы тут

Міліцыя знайшла мінчанку, якая палівала алеем царкву ў сталіцы

minsk.mvd.gov.by

Мінская міліцыя высветліла асобу жанчыны, якая 13 траўня палівала алеем царкву на вуліцы Зыбіцкай у сталіцы. Як адзначае прэс-служба ГУУС Мінгарвыканкама, зрабіць гэта ўдалося дзякуючы СМІ і актыўным грамадзянам. 

Гэта раней не судзімая 55-гадовая жыхарка сталіцы. Свае дзеянні жанчына патлумачыла тым, што адчувае непрыязнае стаўленне да царквы.

Матэрыялы праверкі міліцыянты перадалі ў Следчы камітэт. На жанчыну могуць пачаць крымінальную справу за здзек з гісторыка-культурных каштоўнасцяў.