Месцы, звязаныя з падазраваным у забойстве ў "Еўропе" (фотарэпартаж, карта)
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/styles/gallery_main/public/2023-08/dsc_0197.jpg.webp?itok=dVbv8NaD)
Увечары 8 кастрычніка ў мінскі гандлёвы цэнтр "Еўропа", размешчаны недалёка ад плошчы Бангалор, зайшоў хлопец з бензапілой і чахлом для гітары за спінай. Ён завёў бензапілу, забіў адну з гандлярак, якая працавала ў цэнтры, затым дастаў з чахла сякеру і пачаў ёй крышыць вітрыны і сячы людзей. Нападніка павалілі на зямлю і скруцілі наведвальнікі, яны ж перадалі забойцу міліцыі. Спрабуючы разабрацца ў матывах жахлівага ўчынку, карэспандэнт Еўрарадыё наведаў адразу некалькі месцаў, звязаных з падазраваным.
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0209.jpg)
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0210.jpg)
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0212.jpg)
Месца 1 ― гімназія №6. Тут Улад К. пачынаў вучыцца. Па адной з версій, менавіта падчас вучобы ў гімназіі №6 ён здзейсніў спробу самагубства, пасля чаго на нейкі час трапіў у "Навінкі". Інфармацыю пра тое, што хлопец лячыўся там, паведамляе тэлеканал "Беларусь 1". Пазней К. перабраўся вучыцца бліжэй да дома маці, у школу №27. Вучні гімназіі расказалі Еўрарадыё, што пра выпадак у "Еўропе" чулі, але Улада не памятаюць ― шмат часу прайшло.
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0199.jpg)
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0197.jpg)
Месца 2 ― дом па адрасе Старавіленская, 97. Тут знаходзіцца кватэра, якая належыць маці Улада і ў якой ён пражыў амаль усё сваё жыццё. Паводле адной версіі, апошнія гады К. жыў тут адзін ― яго маці разам з сястрой перабралася у Германію. Па іншай ― маці час ад часу прыязджала ў Мінск да сына.
Дом на Старавіленскай ― самы звычайны шэры панэльны шматпавярховік, збудаваны на мяжы 80-ых і 90-ых. Двор застаўлены машынамі, побач невялікая дзіцячая пляцоўка. Набіраю на дамафоне нумар кватэры. Чую толькі непрыемныя гудкі ― дома нікога. У суседзяў таксама. Нешматлікія жыхары дома, з якімі атрымліваецца пагаварыць, аб суседстве з падазраваным у злачынстве ў "Еўропе" даведваюцца ад мяне.
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0193.jpg)
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0195.jpg)
Месца 3 ― школа №27. Тут Улад К. вучыўся пасля пераходу з 6-ай гімназіі. Гэта пацвярджаюць былыя аднакласнікі падазраванага, аднак кіраўніцтва школы катэгарычна адмаўляе, што такі чалавек вучыўся тут.
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0204.jpg)
Месца 4 ― крама, дзе падазраваны за два дні да злачынства набываў бензапілу і сякеру. Крама знаходзіцца на скрыжаванні вуліц Багдановіча і Някрасава, зусім побач з домам бацькі Улада і яго былой гімназіяй №6. Верагодна, ён бываў тут раней ― знайсці невялікую краму не ведаючы пра яе існаванне, тут даволі складана. У краме з журналістамі размаўляць больш не хочуць.
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0206.jpg)
Месца 5 ― бензакалонка А-100. Яна знаходзіцца насупраць крамы з бензапіламі, праз скрыжаванне. Зусім невялікая. Верагодна, тут падазраваны мог набыць неабходны для пілы бензін.
![Месцы, звязаныя з падазраваным у забойстве ў "Еўропе" (фотарэпартаж, карта)](/sites/default/files/paragraphs/image/dsc0202.jpg)
Месца 6 ― гандлёвы цэнтр "Еўропа". Ён знаходзіцца крыху ўбаку ад прывычнага для Улада К. маршрута ад дома на Старавіленскай да гімназіі №6 на Някрасава. І амаль роўна паміж домам бацькі і кватэрай маці. Дайсці пешшу з кватэры, дзе жыў падазраваны сюды можна прыкладна за 20 хвілін.